اهلا وسهلا بكم في موقع حزب البعث الاشتراكي DJ Caprs

منتديات حزب البعث الاشتراكي DJ Caprs


    قصيدة للشاعر كامل العامري في رثاء ألشهيد صدام حسين

    شاطر
    avatar
    فيصل الصدامي
    مساعد مدير
    مساعد مدير

    عدد المساهمات : 38
    التقييم : 97
    السٌّمعَة : 1
    تاريخ التسجيل : 22/09/2009
    العمر : 29

    قصيدة للشاعر كامل العامري في رثاء ألشهيد صدام حسين

    مُساهمة من طرف فيصل الصدامي في الخميس نوفمبر 19, 2009 10:44 am

    الأهداء
    إلى صلاة العيد.. التي تدلت على شفاه المصلين إلى الشمس … التي أحرقت حبال الشانقين إلى الرمح … النابت في ضلوع المحتلين إلى شط العرب … وهو يزهو بثياب الرافدين إلى من له في رقاب العراقيين … عهد وذمة ودين أقوم جمرة من رماد المرض … والموت والألم … أعزف لك قيثارة روحي …
    قصيدة باجر يجون الصبح
    الشاعر العراقي كامل العامري


    طف كربله …
    ويوميه عدنه (حسين)
    (وفيروز أبو لؤلؤه) يطعن (عمر) سجين
    ويوميه عدنه عزه وتتيتم الشطين
    وينذبح فرض الصبح جدام (أبو الحسنين)
    وصلة سمه من السمه....
    إنحزت إمن الجتفين
    مصلوبه ركبة شمس هدلت على المتنين!
    إسم الله....
    لاتنصدع....
    يهلال المعيدين
    يانجمة البلعلم والكرهوا إمنصين
    ويمك الموت.... إرتهب وأنحرج (عزرايين)
    تستاهل أبجي دمه.... وتستاهل أعمي العين
    ودكك الغشيمه لدكك واخرطلك الخدين
    وأبقه بسوادي لحد.... ما عاشر الميتين
    يا شهكة السنبلة ويالون البساتين
    يا بقجة (أم الحلس) لثياب المعرسين
    يا أول المستحه الشبيت ويه الطين
    يخسنون كالوا متت … يمزبر العفنين
    شفناك فوك الكمر تتمرجح بكل عين
    (وكلكامش) الملحمه بيك إنكتب مرتين
    (آشور) من شافتك زحفت على الزندين
    إورد (الجناين) دمع بي حارت الجفين
    ولن (بابل) إمهدله.... وتخرمش الخدين
    وطين المسله زعل.... دك إعله راسه الطين
    (وسومر) إجتك لطم … ومحزمه إحزامين
    وكسرت نفسهه قهر.... قيثارة التلحين
    ونفّر إجت من عفج عزت صلاح الدين
    سالم يسور الحضر يمبجي الغازين
    إسم الله … إعله طولك حرز ومحصن بياسين
    يا كمرة أربعطعش يا جوبي المربعين
    الكاروك بيد الخضر فيالك إجناحين
    بس إنته دون الخلك....حطك على الجتفين
    ونص ليل دك الفجر.... شباج بيت الطين
    خشبة صليبك غصن.... من سدرة التكوين
    أمّن يبه ولاتهم يا زود المعلين
    الله.. إشعندك زلم لو عكرت الرجلين
    فوك اليشامغ عكل عدهه الجتل عفرين
    وحدر اليشامغ شفت …عباس يوم إحسين
    شال الفرات ونهض …من كطعوا الجفين
    وضاري اعله لجمن... سحك شكك الحلك نصين
    وشعلان فج الكبر … عبه الرميثه تفك بجفوف عزرايين!
    تدرم إحلوكك الزلم … درب القطار إمنين!
    دفروا حديد السجج …وشاهدوا ميتين
    يبه.. سجيل يكطف وبه.... محجال ابو الطكتين
    والفاس موت الحمر … بيد الفراتيين
    وفالتنه ظلت أثر من ثورة العشرين
    شرغد يوالد رغد … يا أبو العراقيين
    موش إنته ذاك الغبت … جن غابت النهرين
    ويا رغد نامي رغد....خل تكر بيج العين
    وصانه ابوج الوطن.... ذمة وأمانة ودين
    العراك يبكه عهد بركاب المضحين
    ويارغد ويه النجم من باجر إتكعدين
    غبشه إبصلاة الفجر بالدمع تتوضين
    وبهداي حد النفس للعوجه تتمشين
    وكعدي عدي وقصي … من عالفرض تنوين
    حنه الفاو إشتهت … وتريدهم عدلين
    وإحنه المسير الكفل … ردناهم إهلالين
    ثكلت إعثوك الصبر … كصوهه يمعودين
    والنخل شد السعف رايه لصلاح الدين
    يا وطن ياكربله …هم يبقه إسم كربله لو خذوا منهه إحسين!؟
    وسولتنه عدنه جدم … من كبل ماننولد نسحك المحتلين
    وعدنه قوان الفشك … جن صوت داخل حسن واطرب على التلحين
    اضحك يبونه ضوه … بوجوه المخبثين
    مو بس نرد الوطن … وندلل الشطين
    إحنه النرد القدس وانرجع إفلسطين
    وبينه العرب تنجمع... جن لمة إمحبين
    وتونس تمر بحلب …وتبات بالبحرين
    الليل كلش كصر …ها بعد رمشة عين
    باجر يجون الصبح … ما ماتوا الطيبين
    ما ماتوا الطيبين

    صدامي انا
    عضو جديد
    عضو جديد

    عدد المساهمات : 3
    التقييم : 3
    السٌّمعَة : 0
    تاريخ التسجيل : 05/12/2009

    رد: قصيدة للشاعر كامل العامري في رثاء ألشهيد صدام حسين

    مُساهمة من طرف صدامي انا في السبت ديسمبر 05, 2009 7:02 am

    شكراااااااااااااااااااااااااا وتسلم اخوية فيصل على القصيدة
    avatar
    فيصل الصدامي
    مساعد مدير
    مساعد مدير

    عدد المساهمات : 38
    التقييم : 97
    السٌّمعَة : 1
    تاريخ التسجيل : 22/09/2009
    العمر : 29

    رد: قصيدة للشاعر كامل العامري في رثاء ألشهيد صدام حسين

    مُساهمة من طرف فيصل الصدامي في الأحد ديسمبر 06, 2009 8:29 am

    مشكور حبي على المرور

    خالد راجح
    عضو مبدع
    عضو مبدع

    عدد المساهمات : 111
    التقييم : 237
    السٌّمعَة : 1
    تاريخ التسجيل : 13/12/2009
    العمر : 31
    الموقع : السعودية -الطائف

    رد: قصيدة للشاعر كامل العامري في رثاء ألشهيد صدام حسين

    مُساهمة من طرف خالد راجح في الإثنين ديسمبر 14, 2009 5:23 am

    تحياتي لك
    avatar
    عاشق البعث العربي
    عضو مبدع
    عضو مبدع

    عدد المساهمات : 241
    التقييم : 299
    السٌّمعَة : 1
    تاريخ التسجيل : 15/07/2011
    العمر : 39
    الموقع : جمهوريه العراق

    رد: قصيدة للشاعر كامل العامري في رثاء ألشهيد صدام حسين

    مُساهمة من طرف عاشق البعث العربي في الإثنين يوليو 18, 2011 3:25 pm

    عاشت ايدك

      الوقت/التاريخ الآن هو الإثنين يناير 21, 2019 12:44 am